Scho wider goht e Joor z'Änd und es wienächtelet

frohe weihnachten gutes neues jahr

Liebi ABDlerinne und ABDler, liebi Frinde

Scho wieder goht e Joor z’Änd und es wiehnächtelet in dr ganze Stadt. D‘ Agtivitäte in dr ABD kemme au zur Rue, vors im neje Joor wider richtig los goot.

Sujet vo dr ABD heisst: ????

Daas wird nadyyrlig noonig effentlig verroote. Das kaa me denne im Rädäbäng lääse ooder im Cliggekäller gsee.

ABD - Waagebschauig isch dr Sundig 10.3.2018 im Bläsi, im Noomidaag em drey.

Am Fasnachtsmäntig- und Mittwuch 11.3. und 13.3.2018 goot d’ABD em halber zwai bim Phunggt 1 (Rote Kater) uff dr Cortège.

Em Fasnachtszyschdig isch dr Noochwuggs, gmaint sin Trottoirstampfer au wider underwäggs, ebbe em halber zwai isch Abmarsch bim Clarablatz.

Dr Kaländer fir’s neje Joor isch verschiggt, dermit Ihr wisset was so lauft im Cliquekäller vo dr ABD. Dr Vorstand hofft uff e grossi Betailigung an däne Aaläss und bittscheen vergässet nyt Eych rächtzytig aazmälde.

Natyrlig deerf e Jede ganz unverbindlig an de Arbetsdääg eine go näh im Cliquekäller im Bläsi und me deerf au epper mitbringe. Es wär jo meeglig, ass pletzlig s’Interässe gweckt wird.

Mer sueche nämmlig immer no glatti Männli, Wyybly, gäärn au Famylie mit Binggis wo wänn uff em Waage Fasnacht mache.

Dr Vorstand vo dr ABD wintscht Eych e wunderscheeni Wiehnachte im Grais vo eyre Liebe und e guete Rutsch ins neje Joor.

Viel Scheens im 2019, Zfriidehait, Gligg und vor allem gueti Gsundhait.